Սոս Ջանիբեկյանն ու ընկերուհին՝ Կաննում (լուսանկարներ)

esyes.am-ին հայտնի է դարձել, որ դերասան Սոս Ջանիբեկյանն այս օրերին իր հանգիստը վայելում է Ֆրանսիայում: Սիրված դերասանն առաջինը մեզ պատմեց այցի նպատակների ու տպավորությունների մասին:

«Մեկնել եմ հանգստի նպատակով. 14 օրով: Սիրում եմ Միջերկրական ծովը: Քանի որ Եվրոպայում՝ Իսպանիայի, Իտալիայի և էլի մի քանի երկրների ծովափնյա քաղաքներում հանգստացել էի, որոշեցի այս տարի էլ Ֆրանսիա մեկնել»,- ասաց Սոսը, ով ավելի շատ Փարիզում է եղել, իսկ Կաննից հետո շարունակելու է իր ճամփորդությունը՝ Մոնակո և Նիցա:

Կաննում գտնվող դերասանից հետաքրքրվեցինք՝ արդյոք մասնակցե՞լ է Կաննի հայտնի փառատոնին: «Ցավոք, ոչ, բայց այդ շենքի դիմաց հայտնվելով, ամեն անգամ ասում եմ՝ «Ես գալու եմ». պատկերացնում եմ կարմիր գորգի վրայով անցնելիս ինչ զգացողություններ կունենամ, ինչ հագուստով կլինեմ,- նշեց դերասանը և մի հետաքրքիր գաղտնիք բացահայտեց,- շատ փոքր տարիքից ինքս ինձ հարցազրույց եմ տվել և նշել, թե «Կանն» կամ «Օսկար» շահելու դեպքում ինչ կխոսեմ: Դրանով մոտեցնում էի ինձ այդ իրականությանը»:

Սոսի համոզմամբ՝ Եվրոպայից տպավորությունը միշտ նույնն է լինում. «Գեղեցիկն ու բարին, ծովը, արևը, սերը, երիտասարդությունն ու պոզիտիվը: Էլի շատ բաներ կան, բայց, կարծում եմ, սրանք ամենատպավորիչն են՝ երևի հայրենիքումս դրանց կարիքն ունենալու շնորհիվ»:

Նշենք, որ դերասանը հանգիստը վայելում է ընկերների ու ընկերուհու՝ մոդել Լյուսի Հայրապետյանիհետ, իսկ Հայաստան վերադառնալուց հետո պատրաստվում է նոր շնչով աշխատել: «Նոր առաջարկների եմ սպասում, թեև արդեն բավականին ունեմ: Կգամ և այդտեղ կհասկանամ: Այստեղ աշխատում եմ չմտածել գործի ուղությամբ, վայելել հանգիստս ու ներդաշնակ պահել շնչառությունս»,- եզրափակեց Սոսը: