Շենքի օտարումը դեռ աղավաղում չի. Հասմիկ Պողոսյանը՝ հրապարակի վերանորոգման մասին

Սյունիքում կատարված սպանության դեպքը կարծես ստվերեց Երեւանի ճարտարապետական նկարագրի, այդ թվում Հանրապետության հրապարակի խաթարման նախագիծը, որը մեծ աղմուկի տեղիք էր տվել: Մի հատված ՀՀ Մշակույթի նախարար Հասմիկ Պողոսյանի հետ զրույցից:

- Արտաքին գործերի նախարարության շենքի վաճառքից հետո մտավախություն կա, որ մյուս շենքերը եւս կամ կվաճառվեն, կամ կաղավաղվեն, քանի որ չկա մշակութային հոգածություն:

- Շենքի օտարումը դեռ աղավաղում չի, մեր հանրությունը մի քիչ վախեցած ա եւ ցանկացած օտարումից հետո, որպես երկրորդ քայլ, ինքըդ իտարկում ա շենքի աղավաղում, իրականում դա ամենեւին նախապայման չի: Բազմաթիվ շենքեր կան, որոնք որ օտարվում են, սեփականատերը շատ բարեխիղճ, պատմական իր տեսքով պաշտպանում ա, եւ կան խախտումներ: Դրա համար ես չեմ կարծում, որ այդ երկու հարցերը պետք է կապել, քանի որ այսօր խոսքը գնում ա դատարկ տարածքի կառուցապատման մասին:

-Պատկերասրահի փոփոխությունը, թմբուկի կառուցումը խաթարո՞ւմ չեն:

- Երբ որ էդ նախագիծը լինի, նոր պետք է նայել, քանի որ ցանկացած քաղաք կենդանի օրգանիզմ ա եւ պետք է ինչ-որ ձեւով զարգանա, ուրիշ խնդիր, որ այդ զարգացման ծրագիրն ինչպիսին պետքէ լինի: Ինքը կարող ա լավ ըլինի, կարող ա վատ ըլինի: Ես կարծիք չեմ կարող հայտնել, որովհետեւ ես չգիտեմ ինչի մասին ախոսքը:

- Արդեն վատ չէ՞, որչ գիտեք, թե ինչի մասին է խոսքը:

- Դա կարող է ցանկացած գաղափար լինել: Ցանկացած մի բան, ասենք՝ մի հատ արձան կանգնեցնել, մի հատ շատրվան դնել կամ շինություն, այսինքն՝կախված նրանից, թե ինչ ա լինելու նախագծային,այ,էդ պահից եկեք խոսենք:

Առավել մանրամասն՝ «Հրապարակ»-ի հունիսի 8-ի համարում: