Ողջերը չկան, իսկ մահացածները պատվավոր տեղում են

Հանրային ծառայությունները կարգավորող հանձնաժողովն իր երեկվա նիստում միաձայն որոշում կայացրեց գազի եւ էլեկտրաէներգիայի սակագները բարձրացնելու մասին. հուլիսի 1-ից գազի 1 խմ-ի համար բնակչությունը պետք է վճարի 156 դրամ' ներկայիս 132 դրամի փոխարեն: Իսկ էլեկտրաէներգիայի սակագինը հուլիսի 1-ից կդառնա 38 դրամ՝ 30 դրամի փոխարեն: Այս որոշումն իր բացասական հետեւանքներն է ունենալու սոցիալ-տնտեսական վիճակի վրա. առաջիկայում կթանկանան բոլոր ապրանքատեսակներն ու ծառայությունները՝ գրեթե առանց բացառության: Մյուս կողմից անփոփոխ են մնալու բնակչության եկամուտները. համենայնդեպս, որեւէ քայլ չի արվում աշխատավարձերի ու կենսաթոշակների իրական բարձրացման համար: Իսկ դա նշանակում է, որ առաջիկայում Հայաստանում մարդիկ շատ ավելի վատ են ապրելու, քան առաջ: Իսկ թե արդյոք իրավիճակը կարող է հանգեցնել սոցիալական բունտի, ժամանակի խնդիր է, քանի որ մեր երկրում անգամ թոշակառուներն իրենց հասանելիքը չեն կարողանում ստանալ: Արդեն մի քանի օր է՝ Հայաստանի թոշակառուները գնում են իրենց գրոշները ստանալու, եւ պարզվում է, որ իրենք ցուցակներում չկան: Այդ չարաբաստիկ ցուցակները դարձել են համապետական ընտրացուցակները, որտեղ ողջերը չկան, իսկ մահացածները պատվավոր տեղում են:

Մանրամասները՝ «Ժողովուրդ»-ի այսօրվա համարում: