«Բարեգութ մարդի՛կ, խնդրում ենք փրկեք Արտենի գյուղի բնակչությանն այս գազանների ձեռքից»

Lurer.com-ը նամակ է ստացել Արագածոտնի մարզի Արտենի գյուղի բնակիչներից, որում մասնավորապես ասված է.

«Արագածոտնի մարզի ԱՐՏԵՆԻ գյուղի առանց այն էլ կարկտից սնանկացած ժողովուրդը, հիմա ել թալանվում է գյուղի ջրային տնտեսության կողմից: Ջրային տնտեսության տեր ու տիրական են դարձրել Վաղարշ Գրիգորյանին, Աստղիկ եւ Ատոմ Խաչատրյաններին, վերջիններս են անամոթաբար թալանում են համայնքի բնակչությանը: Համայնքի բնակչությունը ամեն տարեվերջին փակում է ոռոգման ջրերի պարտքերը, սակայն գարունը բացվելուն պես քույր ու եղբայր կրկնակի պարտքեր են գրում խեղճ գյուղացիերի գլխին, դեռ մի բան էլ սպառնում են պարտքը չփակելու դեպքում դատի տալ:

25 տարի առաջ մահացած ծնողները հողի տակ հանգիստ չեն գտնում անարժան զավակների հասցեին հասցված անեծքներից ու հայհոյանքներից:

Բարեգութ մարդիկ խնդրում ենք փրկեք գյուղի բնակչությանը այս գազանների ձեռքից»: