Ծափահարություններ նրա վաստակին ու ներկայությանը

Կիրակի օրը Ալ. Սպենդիարյանի անվան օպերայի եւ բալետի ազգային ակադեմիական թատրոնում բացառիկ համերգով հայ հանդիսատեսի համար ելույթ ունեցավ իսպանացի աշխարհահռչակ օպերային երգչուհի Մոնսերատ Կաբալիեն: Չնայած 5-50 հազար արժողության տոմսերին, դահլիճը լեփլեցուն էր, կառավարական դեմքերի կողքին՝ ի դեմս առաջին տիկնոջ, վարչապետի, մի շարք նախարարների, կային նաեւ Կաբալիեի արվեստը գնահատող մշակութասեր դեմքեր:

Երգչուհին հանդես եկավ Հայաստանի պետական ֆիլհարմոնիկ նվագախմբի եւ Հայաստան ժամանած դիրիժոր Ռամոն Տեբարի հետ: Կաբալիեի հետ բեմում հանդես եկավ նաեւ նրա դուստրը՝ սոպրանո Մոնսերատ Մարտին, ինչպես նաեւ մեցցո սոպրանո Ագոստինա Սմիմերոն, բարիտոն Դավիթ Բաբայանցը: Բնականաբար, 80-ամյա երգչուհին այդ տարիքում երգում էր այնպես, ինչպես կարող էր, ու հանդիսատեսն էլ, առաջին կատարումից հետո դա հասկանալով, ավելի շատ ծափահարում էր նրա վաստակին ու ներկայությանը, քան կատարմանը:

Առավել մանրամասն՝ «Հրապարակ»-ի հունիսի 11-ի համարում: