Մենք խաղալու ենք առանց լարվածության. Վարդան Մինասյան

Ֆուտբոլի Հայաստանի հավաքականի գլխավոր մարզիչ Վարդան Մինասյանը հունիսի 10-ին Կոպենհագենում կարճատեւ մամուլի ասուլիս է տվեց՝ խոսելով Դանիայի հետ կայանալիք հանդիպման մասին:

- Պարոն Մինասյան, ի՞նչ եք խոսել տղաների հետ Մալթայի խաղից հետո:

- Պետք չէ կենտրոնանալ անցածի վրա: Պարզապես պետք է վերլուծություններ անել: Ավելի շատ պետք է աշխատենք հոգեբանության վրա:

- Ի՞նչ տրամադրություն ունեն տղաները:

- Լավ է տրամադրությունը: Երեկ խոսել ենք նրանց հետ, պատրաստ ենք հանդիպմանը:

- Դանիան այս ընտրական փուլում ի՞նչ տպավորություն է թողնում:

- Դուք շատ լավ թիմ ունեք, որոնցից մի քանիսը բարձր հասակ ունեն: Մեզ վաղը բարդ է լինելու:

- Մալթայի հետ խաղից հետո, հիմնական կազմում ի՞նչ փոփոխություններ են սպասվում:

- Փոփոխություններ կան եւ կազմի մեջ, եւ մարտավարության մեջ: Փոփոխություններ կլինեն:

- Վաղվա մրցավեճից առաջ Ձեր թիմի հնարավորություններն ինչպե՞ս է գնահատում:

- Մենք խաղալու ենք առանց լարվածության: Եթե նայենք մրցաշարային աղյուսակին, ապա Դանիան ավելի շատ լարվելու առիթ ունի:

armsport.am