Սյուզան Մարգարյանը, Էլվինա Մակարյանը, Հարութ Փամբուկչյանը՝ Անահիտ Սիմոնյանի հագուստի նոր հավաքածուում

Երգչուհի Անահիտ Սիմոնյանը, բացի երգչուհու իր կարիերայից, այժմ զբաղվում է նաև իր՝ Anahit Simonyan Fashion-ով: Երգչուհին շատ է սիրում այդ աշխատանքը. դա նրա սիրելի զբաղմունքն է:

Ժամեր առաջ երգչուհին ֆեյսբուքյան իր էջում հրապարակել է իր ARMENIAN RETRO COLLECTION-ի նկարները, որոնցում մոդելները և Անահիտը, ով իր կազմվածքի գեղեցկությամբ չի զիջում մանեքենուհիներին, ցուցադրում են հավաքածուի տարրերը: Այս հավաքածուի իմաստը   նրանում է, որ հագուստների վրա պատկերված են լեգենդար հայ արտիստների ռետրո լուսանկարները` Շառլ Ազնավուր, Ռոզի Արմեն, Նադեժդա Սարգսյան, Հարութ Փամբուկչյան, Արաքս Մանսուրյան, Լոլա Խոմյանց, Էլվինա Մակարյան, Սյուզան Մարգարյան:

ArmStar.am-ի հետ զրույցում Անահիտը նշեց. «Ես դեռ մանկուց եմ ունեցել fashion ստուդիա ունենալու գաղափարը»: Ապագայի հետ կապված իր պլանների մասին Անահիտն ասաց. «Պլաններս չեմ սիրում ժամանակից շուտ հրապարակել»:

Հավանաբար նա նախընտրում է դրանք կյանքի կոչելուց հետո նոր միայն բարձրաձայնել: Մեր այս վարկածը հաստատում է, որ Անահիտն ArmStar.am-ի հետ զրույցում իրեն բնութագրեց հետևյալ բառերով. «Ես նպատակասլաց եմ, հանդարտ և ծայրահեղական»:

Ինչ վերաբերում է նորաձևության ստուդիային, Անահիտը լուսաբանեց, թե առհասարակ ինչ գործունեությամբ են զբաղվում. «Մեր fashion studion զբաղվում է ամեն տեսակի աշխատանքներով հագուստի հետ կապված՝ սկսած ձևափոխություններից, վերջացրած երեկոյան գեղեցիկ և էքսկլյուզիվ զգեստներով: Աշխատում ենք թե՛ կանանց, և թե՛ տղամարդկանց համար»,-ասաց դիզայներ, երգչուհի Անահիտ Սիմոնյանը: ArmStar.am-ի այն հարցին, թե ինչ արժեն հավաքածուի շապիկները, Անահիտը պատասխանեց. «Կարող եմ ասել, որ մատչելի են և բոլորին հասանելի»:

ArmStar.am