Քարիմ Բենզեման վիրահատության է ենթարկվել

«Արքայական ակումբի» և Ֆրանսիայի ազգային հավաքականի հարձակվող Քարիմ Բենզեման երկուշաբթի օրը վիրահատության է ենթարկվել:

Ֆուտբոլիստի աջ ոտքի վիրահատությունն այնքան էլ բարդ չի եղել. տեղեկացնում է մադրիդյան թիմի պաշտոնական կայքը:

Բենզեման վիրահատությունից հետո պետք է հասցնի վերականգնվել մինչև մրցաշրջանի մեկնարկը անցկացվելիք մարզումներին:

2012/13 մրցաշրջանում Բենզեման Իսպանիայի առաջնությունում 30 խաղ է անցկացրել, հեղինակել 12 գոլ և կատարել 13 արդյունավետ փոխանցում: