«Սասունցի Դավիթ» կայարանի հարևանությամբ գտնվող «Փակ շուկան» կփակվի վերանորոգման նպատակով

Մետրոյի «Սասունցի Դավիթ» կայարանի հարեւանությամբ գտնվող փակ շուկան կփակվի վերանորոգման նպատակով: Էրեբունի վարչական շրջանի աշխատակիցները նախօրեին շուկայի վաճառողներից անձնագրեր են պահանջել, որպեսզ իբր գրանցեն, որ շուկայի վերակառուցումից հետո մարդիկ անձնագրերով գնան եւ իրենց տեղերը վերցնեն: Աշխատակիցները, նախ, շուկան լքելու տարբերակին դեմ են: Մանավանդ ամռանը, երբ առեւտրի թեժ սեզոնն է: Այլ շուկաներ էլ չեն կարող գնալ, որովհետեւ բոլորն էլ Էրեբունի համայնքի բնակիչներ են, եւ իրենց հարմար է հենց այդ շուկայում առեւտուր անելը, այլ ոչ թե հասնել, ասենք, Մալաթիայի շուկա: Որոշ տեղեկություններով, շուկան բարեկարգելու ծրագրերը, այդ բոլոր խոսակցությունները միտված են շուկայի տարածքին տիրանալուն:

Շուկայում արդեն նոր վարձակալի անունն էր քննարկվում: Ըստ այդ խոսակցությունների, տարածքն այլեւս չի պատկանի «Հարավկովկասյան երկաթուղիներ»-ին, այլ Էրեբունի վարչական շրջանի «նայողին»՝ ԱԺ պատգամավոր Մհեր Սեդրակյանին: Մեր դիտարկմանը, թե վաճառողները դեմ են ներկայիս շուկան քանդելուն, կատարվող փոփոխություններին, Սեդրակյանը ցնցող, եւ իր ոճին բնորոշ պատասխան տվեց.«Ով որ չի ուզում էդ խոզանոցը թողնել, ուրեմն ինքն էլ ա խոզ: Իրանց չուզելը շատ քիչա, որովհետեւ ըտեղ պտի նորմալ բան դառնա: Իրանք ով են, որ ուզեն, կամ չուզեն»:

Մանրամասները՝ «Հրապարակ»-ի այսօրվա համարում: