«Դեդականների» պատասխանն Էդիկ Ասատրյանի հավաքին՝ թագադրվել է 4 «օրենքով գող»

«Прайм Крайм» կայքին հայտնի է դարձել, որ օրերս 13 «օրենքով գողեր»՝ եղբայրներ Գելա և Գիզո Կարդավաների գլխավորությամբ, ընտանիք են ընդունել նոր անդամների (2 ռուս և 2 վրացի)։ Հանգուցյալ Ասլան Ուսոյանի՝ Դեդ Հասանի եղբայրության շարքերը համալրել են Բեսո Ռուսթավսկին, Մաքսիմ Ֆրանցուզը, Տիմուր Գուլիան և Անդրեյ Տուրակը։ Գրում է Tert.am-ը:

Այդ որոշման տակ, բացի եղբայրներից, Մերաբ Մզարելուայից, ինչպես նաև Մամուկի և Գիա Գալսկիներից, ստորագրել են ռուսներ Ժորա Տաշկենտսկին, Կոլյա Տոմսկին և Անդրեյ Կալինինգրադսկին, չեչեն Տիմուր Սարատովսկին, ադրբեջանցի Ալբերտ Գյանջինսկին, վրացիներ Գոգի Պիտերսկին և եզդի Զվիադ Թբիլիսկին։

Համատեղ կոմյունիկեն տվյալների փոխանցման նորագույն տեխնոլոգիաների միջոցով անմիջապես փոխանցվել է եղբայրությանը։

Միջոցառումը նվիրված է եղել կամ Թամազ Պիպիի մահվան տարելիցին, կամ Ռուսաստանի օրվան։ Ամեն դեպքում այս թագադրումը դարձել է յուրահատուկ պատասխան ընդհանուր «սխոդկային», որը կայացել էր մեկ շաբաթ առաջ հունական կղզիներից մեկում, որտեղ Էդիկ Ասատրյանը հավաքել էր «սուխումցիների», «թբիլիսցիների» և «քութաիսցիների»՝ «դեդականներին» քննարկելու համար։

Ըստ որոշ տվյալների՝ վերևներում բանակցությունների հերթական ռաունդը դեռևս շարունակվում է Իտալիայում։

Լուսանկարում՝ Գելա Կարդավան