Փայտը աչքի լույսից զրկեց, գյուղապետարանը՝ փոխհատուցման հույսից

Երկու ամիս առաջ, իրենց տան բակում խաղալիս, չորս տարեկան Աշոտը վայր է ընկել ու վնասել աչքը: Երեխային անմիջապես հասցրել են Մալայանի անվան ակնաբուժական կենտրոն: Պարզվել է, որ աչքը մտած փայտը պատռել է ցանցաթաղանթը՝ լրջորեն վնասելով աչքի հատակը: Բժիշկներն ստիպված են եղել հեռացնել փոքրիկի աչքը: Իսկ երեխայի դեմքը չխեղաթյուրելու համար աչքի թաղանթի մեջ հատուկ նյութ են ներարկել՝ ապահովելով ընդամենը գեղագիտական կողմը:

Աշոտի մայրը՝ Արմավիրի մարզի Գետաշեն գյուղի բնակիչ Քրիստինե Աբգարյանը, փոխանցելով բժիշկների հորդորները, ասաց, որ աչքի մեջ ներարկված հեղուկը չի կարող երկար պահպանվել թաղանթի մեջ: Եթե երկրորդ եւ շատ կարեւոր վիրահատությունն ուշացվի, հարվածի տակ կդրվի փոքրիկի առողջ աչքի տեսողությունը նույնպես:

Գետաշենցի հողագործ ընտանիքը խաղողի այգի ու ցորենի 3 հա արտ է ունեցել: Թեեւ բերքի վաճառքից ստացած հասույթն այլ նպատակի պետք է ծառայեցնեին, բայց երեխայի հետ կատարված դժբախտ դեպքը խառնել է ընտանիքի ծրագրերը: «Հաշվել էինք՝ խաղողի եւ ցորենի վաճառքից մոտ 7 մլն դրամ եկամուտ էինք ստանալու: Բայց կարկուտը, ցորենի ու խաղողի հետ, մեր երեխայի աչքի լույսը վերականգնելու հույսն էլ տարավ»,-սրտնեղեց փոքրիկի մայրը:

Մանրամասները՝ «Հրապարակի» այսօրվա համարում: