«Պատանի պարողների Եվրատեսիլ» -ում հաղթեց Նիդեռլանդների ներկայացուցիչը

Լեհաստանի Գդանսկ քաղաքում կայացավ «Պատանի պարողների Եվրատեսիլ» 2013 մրցույթը, որին մանսկցում էր նաև Հայաստանը:

Հայաստանն իր պատմության ընթացքում այս տարի առաջին անգամ մասնակցություն ունեցավ «Պատանի պարողների եվրատեսիլ» մրցույթին: Առաջին անգամ Հայաստանը այս մրցությում ներկայացնելու պատիվը տասնյոթամյա Վահագն Մարգարյանինն էր:

Մրցույթին մասնակցում էին տասնմեկ երկրներից պատանի պարողներ: Մրցույթի բացումը կատարեց Հայաստանի ներկայացուցիչ Վահագնը' իր «Blind alley» վերնագրված պարով, ինչը թարգմանաբար նշանակում է փակուղի: Տեղեկացնենք, որ հաղթողին, որպես պարգև, տրվելու էր 7000 եվրո մրցանակ: Սրա հետ մեկտեղ նա կվայելեր ճանաչում և փառք:

Նշենք, որ մրցույթին մասնակցող ևս 10 երկրներն են Չեխիան, Նորվեգիան, Սլովենիան, Նիդեռլանդնեըր, Գերմանիան, Լեհաստանը, Շվեդիան, Բելառուսը, Ռուսաստանը, Ուկրաինան:

Բոլոր երկրները ներկայանալուց հետո լսեցին ժյուրիի գնահատականները, կարծիքն իրենց ելույթի մասին:

Երկրորդ՝ եզրափակիչ փուլ անցան երկու երկրներ' Նիդեռլանդներն ու Գերմանիան: Ցավոք, Հայաստանի ներկայացուցիչ Վահագն Մարգարյանը չանցավ եզրափակիչ փուլ, սակայն պատվով հանդես եկավ մրցույթին և բարձր կատարողականություն դրսևորեց:

Նիդեռլանդների ու Գերմանիայի ներկայացուցիչները «փորձության» ենթարկվեցին նաև փոքրիկ իմպրովիզացիոն «մենամարտի» միջոցով: Այնուհետև հայտարարվեց հաղթողի անունը, և այդ հաղթողն էր Նիդեռլանդների ներկայացուցիչ սևամորթ Սեդրիկ Վերվոերտը:

Մրցույթի նախապատրաստական օրերի բոլոր լուսանկարներին կարող եք ծանոթանալ այստեղ:

ArmStar.am