«Ռեալի» ներկայացուցիչները Անչելոտիի տեղափոխման շուրջ կբանակցեն Քաթարում

«Ռեալի» գլխավոր տնօրեն Խոսե Անխել Սանչեսը մեկնել է Քաթար, որտեղ կբանակցի ՊՍԺ-ի ներկայացուցիչների հետ՝ գլխավոր մարզիչ Կարլո Անչելոտիի տեղափոխման շուրջ. տեղեկացնում է Marca-ն: Այս հանդիպումը կարող է որոշիչ լինել:

Ավելի վաղ տեղեկացվում էր, որ կողմերն արդեն համաձայնության են եկել: Արդեն մոտակա օրերս մադրիդյան թիմը կհայտարարի Անչելոտիի՝ «Ռեալը» գլխավորելու մասին:

Հիշեցնենք, որ «Արքայական ակումբի» գլխավոր մարզչի պաշտոնը Մոուրինյուի հեռանալուց հետո դեռևս թափուր է: