Վրաստանի արդարադատության նախարարը ժամանել է Հայաստան

Վրաստանի Արդարադատության նախարար Թեա Ցուլուկիանին երկուշաբթի օրը պաշտոնական այցով ժամանել է Հայաստան: Ինչպես հայտնում են Վրաստանի ԱԳՆ-ից, նախարարը Հայաստանում մի շարք հանդիպումներ է ունենալու. հայտնում է «Գուզիա Օնլայն»-ը: 

Մասնավորապես՝ նա կհանդիպի ՀՀ վարչապետի, Արդարադատության նախարարի, գլխավոր դատախազի և Սահմանադրական դատարանի նախագահի հետ:

Նախարարն ու նրա տեղակալները նաև հանդիպումներ կունենան Հայաստանի փաստաբանների պալատի և Նոտարների միության ղեկավարի հետ: 

Կողմերը քննարկելու են իրավական ոլորտում երկկողմ համագործակցության հարցեր: