Հովիկ Աբրահամյանի ընտանիքը շատ ունևոր է եղել դեռ սովետական տարիներին

Մի հատված Վերահսկիչ պալատի 2012թ. բացահայտած խախտումներից հետո ՀՀԿ-ական պատգամավոր Համլետ Հարությունյանի հետ զրույցից

- Ի՞նչ եք կարծում, նո՞ր սկսեցին բյուջեն թալանել, թե՞ այլեւս թալանելու բան չի մնացել, ու դրա համար է ՀՀԿ-ն այսպիսի աղմուկ բարձրացնում:

- Ես կարծում եմ, որ տարբեր ժամանակներում տարբեր աստիճաններում է եղել: Այս գործընթացը բոլոր երկրներում է լինում, բայց չափի բանի պահ կա: Մեզ մոտ երեւի այդ չափն անցել են: ԱԺ նախագահը շատ տեղին ելույթ ունեցավ եւ ասաց այն, ինչը որ մեր բոլորիս ցանկությունն է, կարծես թե նա արտահայտեց բոլորիս ցանկությունները:

- Հա, բայց պարոն Աբրահամյանին էլ իր պատասխանեցին մամուլով, ելույթներով՝ նշելով, որ նա նույնպես թալանչիներից է:

- Իմ խորին համոզմամբ, ԱԺ նախագահն ունի անբասիր քաղաքական կենսագրություն եւ, ի տխրություն ինձ, այն քիչ թվով կայացած պետական քաղաքական գործիչներից է: Ես կուզենայի, որ կայացած պետական քաղաքական գործիչներ շատ լինեն մեր իրականության մեջ: Ես էլ նկատեցի, որ շատերին դուր չեկավ Հովիկ Աբրահամյանի ելույթը: Ելույթն ունեցել է, լավ ելույթ է, չէ՞, ձեզ էլ է, չէ՞, դուր եկել: Արդեն սկսում են կողքից ուրիշ բաներ ասել, բայց ինքը շատ հիմնովին բացատրել է, թե ինչպես է հարստացել: Իմիջիայլոց, ձեզ ասեմ, որ Հովիկ Աբրահամյանը եւ այդ ընտանիքը շատ ունեւոր ընտանիք են եղել դեռ սովետական տարիներին, նա շատ աշխատասեր անձնավորություն էր եւ դեռ այն տարիներից տնտեսապես կայացած մարդ էր: Իսկ եթե նա լավ բիզնեսմեն է եղել, եթե նրանք ունեն ընտանեկան մեծ սեփականություն, ապա նա բյուջեի հետ ի՞նչ կապ ունի, նա խոսում է բյուջեից:

Առավել մանրամասն՝ «Հրապարակ»-ի հունիսի 19-ի համարում: