Ի՞նչի համար է զղջում Արմինե Գրիգորյանը

-Երկու բառով բնութագրեք ձեզ:

Երկու բառով չեմ կարող նկարարագրել ինձ- երկու բառը քիչ են:

-Եթե ոչ երգչուհի, ապա ի՞նչ:

Դերասանուհի, նաև մասնագիտությամբ:

-Ու՞մ հետ եք խոսում Ձեր պրոբլեմների մասին:

Հիմնականում չեմ խոսում… բայց եթե խոսում եմ, ապա շատ մոտ ընկեր կամ ընկերուհու հետ:

-Խենթություններ կանե՞ք: (եթե այո ապա ում համար կամ ինչի):

Խենթություններ արել եմ, անում եմ և միշտ կանեմ, անկախ տարիքից ու օբյեկտից… Ուղղակի խենթություններ, նախ ինձ համար:

-30 տարի անց, ինչպիսին եք լինելու: Ձեր պատկերացումները:

Նույն խենթություններն եմ անելու, մնալու եմ նույնպես ուրախ և գնահատող կյանքի յուրաքանչյուր տրված պահը:

- Մենակ մնում ե՞ք դուք ձեր հետ:

Այո, շատ հաճախ եմ մենակ մնում ինքս ինձ հետ և իմ մտքերի:

-Անպատասխան հարցեր ունե՞ք: Ում են ուղղված:

Անպատասխան հարցեր ունեմ միայն երկրի բարձրաստիճան այրերին ու ղեկավարությանը:

-Ինչի՞ համար կզղջայիք:

Զղջում եմ, որ հետևողական չեմ եղել որոշ հարցերում:

-Ի՞նչ չէիք անի երբեք:

Երբեք չեմ կարող ասել երբեք, բայց հայրենիքիս, ընտանիքիս ու ընկերներիս հաստատ երբեք չեմ դավաճանի: Ատում եմ դավաճաններին:

-Ինչի՞ եք ընդունակ զայրացած ժամանակ:

Ինձ դժվար է հունից հանել: Ես համարյա չեմ զայրանում, որովհետև ասում եմ այն, ինչ մտածում եմ:

-Այն մարդը ումից վախենում և ամաչում եք:

Ոչ մեկից չեմ վախենում, առավել ևս ամաչելու չունեմ: Փառս Աստծո ճակատս միշտ պարզ է:

-Եթե ունենայիք հնարավորություն:

Շատ հնարավորությունների դեպքում կմեկնեի տարբեր երկրներ, կվայելեի կյանքը իր բոլոր հնարավորություններով:

-Եթե նորից ծնվեիք ինչպես կապրեիք:

Կապրեի այնպես, ինչպես ապրել եմ… նույնը կապրեի:

- Ամա՞ռ, թե՞ ձմեռ:

Ամառ:

- Ֆիլմերի ո՞ր ժանրն եք նախընտրում:

Բացի ֆանտաստիկայից և սարսափիցէ բոլոր ժանրերն էլ նախընտրելի են:

- Սիրելի ուտեստը...

Բանջարեղենով պատրաստված բոլոր ուտեստները և ձմեռուկ:

-Վաղը աշխարհի վերջ է, ի՞նչ կանեք:

Օրվա ընթացքում այնպիսի բաներ ենք տեսնում, որ էլ ոնց է լինում աշխարհի վերջը: Ամեն օրն էլ Աշխարհի վերջն է: Այնպես որ աշխարհի վերջին իմունիտետ ենք ձեռք բերել, թեթև ենք տանում ամեն ինչ, նույնիսկ աշխարհի վերջին:

slaq.am