Ինչու է համալրել կոճակ սեղմող պատգամավորների շարքը

Երեւանի քաղաքապետ Տարոն Մարգարյանի կնոջ եղբայրը՝ ՀՀ ԱԺ պատգամավոր Ռոբերտ Սարգսյանը եկած օրվանից որեւէ ելույթ չի ունեցել ԱԺ-ում եւ այդպիսով համալրել է միայն կոճակ սեղմողների շարքերը: Ինչո՞ւ, փորձեցինք պարզել Սարգսյանից:

- Պարոն Սարգսյան, խորհրդարանը բուռն քննարկեց ՎՊ հաշվետվությունը, փորձեցին գտնել բյուջեն«լափողներին», Դուք անհաղորդ մնացիք այս ամենին, ինչ է, Ձեր կարծիքով չկա՞ն այդպիսիները:

- Ես չեմ կարող ասել, դե, ՎՊ-ն ասում է, իրավապահ մարմինները, դատախազությունն էլ կհաստատի՝ կա՞ն, թե՞ չկան կամ ովքերեն նրանք, դե, ՎՊ հաշվետվությունը կա, բայց թե կան, թե չկան նման մարդիկ, ես դեռ չեմ կարող ասել:

- Փաստորեն, ովքեր շտապել են «թալանչիներ» ման գալ, Դուք կասկածի տակ եք դնում դա:

- Չէ: Դե, եթե նա (նկատի ունի Հովիկ Աբրահամյանին) հայտարարել է ամբիոնից, ուրեմն կան նման մարդիկ: Բայց կրկնում եմ՝իրավապահ մարմինները պետք է զբաղվեն այդ ամենով:

- Ձեր փեսան՝ քաղաքապետ Տարոն Մարգարյանը նույնպես ահռելի ունեցվածք ունի, ոմանց համար կասկածհարուցող, մինչդեռ իրավապահների համար ամեն ինչ մաքուր է:

- Ես ասեմ, Տարոն Մարգարյանի ունեցվածքը բոլորն օրինական ճանապարհով ձեռք բերված ունեցվածք է, ես խորհուրդ չեմ տաուրիշի փողերը հաշվել, դա լավ չի: …Դե հաշվում են, որ ասում են, այսինքն՝ ինչ-որ ապացույց կա՞: Էնքան որ արտահայտվում են, չի կարելի էնքան որ արտահայտվել:

Առավել մանրամասն՝ «Հրապարակ»-ի հունիսի 20-ի համարում: