ՀԵՀ-«Լույս» համագործակցությունը շարունակվում է

Հայաստանի երիտասարդական հիմնադրամի (ՀԵՀ) և «Լույս» հիմնադրամի միջև ձևավորվել են սերտ համագործակցային հարաբերություններ։ Այդ համագործակցության շրջանակներում իրականացվում են մի շարք ծրագրեր։ Մասնավորապես, հունիսի 19-ին ՀԵՀ-ում մեկնարկեց «Լույս+ ստուդիա» նախագիծը։ Այն իր մեջ ներառում է ելույթներ, բանավեճեր, հանդիպումներ հայտնի մարդկանց հետ, քննարկումներ։

Հունիսի 19-ին ծրագրի 11 մասնակիցներ տարբեր թեմաներով ելույթներ ունեցան, ներկայացրին իրենց օրինակելի փորձը, գիտական նյութը, և այդ ամենն արվեց այնպես, որ հասանելի լինի հանրության լայն շրջանակների։

Բանախոսները «Լույս» հիմնադրամի կամավորներն էին, որոնք մենթորության և պրակտիկայի ծրագրի մասնակիցներն են։ Կամավորներից Արմինեն ներկայացրեց հաշմանդամության խնդիրը և շեշտադրեց հասարակության մեջ նրանց նկատմամբ վերաբերմունքի հարցը։

«Լույս» հիմնադրամի մենթորության համայնքի համակարգող Աննա Սրապիոնյանը նշեց, որ «Լույս+ ստուդիա» նախագծի նպատակը երիտասարդներին ինքնաարտահայտվելու, սեփական գաղափարներով համայնքի մյուս անդամներին հետ կիսվելու հնարավորություն տալն է։

Հայաստանի երիտասարդական հիմնադրամի հասարակայնության հետ կապերի ծառայություն