Մասնագետները՝ Մխիթարյանի՝ «Շախտյորից» հեռանալու մասին

Հայաստանի ազգային հավաքականի կիսապաշտպան Հենրիկ Մխիթարյանի տեղափոխության հարցին են անդրադարձել Ուկրաինայի վաստակավոր մարզիչ Յոժեֆ Սաբոն, հավաքականի նախկին ֆուտբոլիստ Սերգեյ Նագորնյակը և թիմի նախկին գլիավոր մարզիչ Վադիմ Եվտուշենկոն.

«Ֆերնանդինյոյի կորուստը «Շախտյորի» համար նշանակալից էր, և եթե դոնեցկյան ակումբը զրկվի այդ դիրքի ևս մեկ ֆուտբոլիստից, ապա ավելի զգալի կորուստ կլինի թիմի համար: Եթե Մխիթարյանի համար առաջարկվի համապատասխան գումար, դոնեցկցիները դժվար թե հրաժարվեն: Հենրիկը տրամադրված է հեռանալուն, սակայն, կարծում եմ, նա դեռ պետք է իր վարպետությունը բարելավի «Շախտյորի» կազմում: Եթե նա մնա Դոնեցկում, ապա մեկ տարի անց ավելի առաջընթաց կապրի»,- նշել է Եվտուշենկոն:

«Չեմ կարծում, որ արժե խոչընդոտել Մխիթարյանի հեռանալուն: Համոզված եմ, որ «Շախտյորը» կգտնի  այդ դիրքի խաղացողի: Եթե նույնիսկ ֆուտբոլիստին թույլ չտան հեռանալ այլ ակումբ, նա պետք է հարգի երկրպագուներին և ավարտին հասցնի պայմանգիրը: Համոզված եմ՝ Մխիթարյանը կրկնակի անգամ ավելի շատ էներգիայով կապացուցի իր բարձր կարգը»,-նշել է Նագորնյակը:

«Եթե «Շախտյորը» Ֆերնանդինյոյից հետո որոշի թույլ տալ հեռանալ նաև Մխիթարյանին, ապա դա մեծ կորուստ կլինի դոնեցկյան թիմի համար: Սակայն եթե հայ ֆուտբոլիստը ցանկանում է փոխել ակումբը, նրան միանշանակ պետք է բաց թողնել, հակառակ դեպքում՝ ոչինչ չի ստացվի»,-նշել է Սաբոն: