Քաղաքացիներն այլևս չեն վստահում Կառավարությանը. նամակ կուղարկեն Ծառուկյանին (տեսանյութ)

Ինչպես ավելի վաղ տեղեկացրել էր Lurer.com-ը, այսօր Կառավարության շենքի մոտ էին հավաքվել Դավիթաշեն համայնքի 2-րդ թաղամասում «Տոնուս» շինարարական ընկերության կողմից կառուցվող 44/4 և Փափազյան 118/1 բազմաբնակարան բնակելի շենքի խաբված քաղաքացիները: (Կարդացեք նաև՝ Կառավարության «հանցավոր անտարբերությունը» և Տոնուսի Աշոտից «քցված» քաղաքացիները):

Նշենք, որ այս կազմակերպությունը պատկանում է նախկին ԲՀԿ-ական պատգամավոր Աշոտ Տոնոյանին:

Ակցիայի ընթացքում քաղաքացիներից մեկը հայտարարեց, որ նրանք հույսները կտրել են Կառավարության միջնորդությունից և նամակ են պատրաստել՝ ուղարկելու Ծառուկյանին: 

Կառավարության ներկայացուցիչ Քաղաքացիների ընդունելության և դիմումների քննարկման վարչության պետ Ալեքսանդր Ղազարյանը ընդունեց խաբված քաղաքացիներին: Բացատրեց վերջիններիս, որ Կառավարությունն այս հարցում պարտավորություններ չունի, ինչը առաջացրեց քաղաքացիների վրդովմունքը, և վեճ առաջացավ, բայց Ալեքսանդր Ղազարյանը խոստացավ ամեն դեպքում լինել քաղաքացիների կողքին: 

Նշենք, որ ակցիան շարունակվեց նաև ֆինանսների նախարարության շենքի մոտ, այնուհետև մի քանի ներկայացուցիչ բարձրացան վերև՝ քննարկելու բնակարաննների հետ կապված խնդիրները: Նրանք պահանջում էին նաև, որ հանդիպմանը ներկա լինեն լրագրողներ նույնպես, սակայն լրագրողների մուտքն արգելվեց:

Մանրամասները առաջարկում ենք դիտել Lurer.com-ի պատրաստած տեսանյութում.