Ազգային նվագարանը հասարակ մարդու բան է

Հունիսի 15-22-ը Նարեկացի արվեստի միության նախաձեռնությամբ առաջին անգամ մեկնարկել է Նարեկացի արվեստների փառատոնը: 8-օրյա փառատոնի ընթացքում ներկայացվելու է հոգեւոր, դասական,ակադեմիական, հայ ժողովրդական, աշուղական, հեղինակային երաժշտություն ու ջազ: Համերգին զուգահեռկցուցադրվեն ժամանակակից հայ կերպարվեստի տաղանդավոր ներկայացուցիչների աշխատանքները: Փառատոնում ներկայացված է նաեւ «Նարեկացի» ժողովրդական նվագարանը:

Համույթի գեղարվեստական ղեկավար, թառահար Հովիկ Սահակյանի խոսքերով, առաջին անգամ կազմակերպված փառատոնը նպատակ ունի դառնալու շարունակական. «Փառատոնի նպատակն է ներկայացնել հայ բարձրակարգ մշակույթը՝ համագործակցելով Հայաստանում ապրող, ստեղծագործող անվանի արվեստագետների հետ: Նարեկացի արվեստի միությունն այսօրվա մշակութային կյանքում բավականին մեծ աշխատանք է կատարում: Այստեղ նկարչական, երաժշտական խմբակներ կան, բացի այդ, բեմն ու ցուցասրահն անվճար տրամադրվում են ստեղծագործողներին, երեխաներն էլ սիրում են այս միջավայրը: Նվագախմբում նվագողն ստանում է 35 հազար դրամ, նույնը ստանում է նաեւ երաժշտական դպրոցում աշխատող դասատուն: Դեռ դպրոցի դասատուների աշխատավարձը մի քիչ բարձրացրին, բայց երաժշտական դպրոցները մնացին նույն «տաշտակին»: Վերեւում նստածները բացարձակ արվեստի հետ կապ չունեցող մարդիկ են, նրանց համար ի՜նչ ազգ, ի՜նչ թառ, ի՜նչ քամանչա…: Բայց եթե զինվորը կռվում է տարածքի համար, մենք կռվում ենք մշակույթի համար: Իսկ այդ մարդկանց պետք է հարգել ու նորմալ վարձատրել, որովհետեւ այսօր երաժշտական դպրոցի դասատուն այնքան էլ հարգված չէ:

Մինչդեռ կոմունիստական տարիներին երաժշտական դպրոցի դասատուն եւ հարգված էր, եւ արժեւորված: Բայց այսօր այդ մարդիկ իրենց շատ նվաստացած են զգում»:

Մանրամասները՝ «Հրապարակ»-ի այսօրվա համարում: