Ձեր գործը չէ, թե ես վարչապետի հետ ինչ եմ քննարկել. Արդարադատության նախարարը՝ լրագրողին
Հայկական Մամուլ
«ժողովուրդ»-ի լավատեղյակ աղբյուրների փոխանցմամբ՝ ՀՀ արդարադատության նախարար Հրայր Թովմասյանն ու ՀՀ վարչապետ Տիգրան Սարգսյանը վերջերս քննարկել են նոտարական գրասենյակներում նոր նշանակումներ անելու հարցը: Ըստ նույն աղբյուրների՝ գրասենյակներում նշանակվելու են հիմնականում պաշտոնյաների հարազատները, այդ թվում և վարչապետի բարեկամները:
Աժ ԲՀԿ խմբակցության անդամ, Գագիկ Ծառուկյանի խնամի Մուրադ Գուլոյանի հարազատների անունները ևս նշվում են, ովքեր պետք է նոտարական գրասենյակներում պաշտոններ ստանան:
Երեկ «ժողովուրդ»-ը փորձել է Հրայր Թովմասյանից պարզել տեղեկության իսկությունը: Հարցին, թե վերջերս վարչապետի հետ քննարկե՞լ է նոտարական գրասենյակներում նոր նշանակումներ կատարելու հարցը՝ հստակ անվանումներով, նախարարը շատ «կոռեկտ» է պատասխանել. «Ձեր գործը չէ, թե ես վարչապետի հետ ինչ եմ քննարկել, և դա բացարձակ իմ լիազորությունն է»: Այս խոսքերից հետո ՀՀ «ամենաքաղաքակիրթ» նախարարն արագ քայլերով հեռացավ:
Մանրամասները՝ «Ժողովուրդ»-ի այսօրվա համարում:
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
