Մխիթարյանի տրանսֆերային իրավունքի 50%-ը «Շախտյորինն» է, մյուս 50%-ը՝ իմը. Օլեգ Մկրտչյան

Օլեգ Մկրտչյանը մեկնաբանել է մամուլում տարածված այն տեղեկությունները, համաձայն որոնց՝ Հենրիկ Մխիթարյանի տրանսֆերի մի մասը պատկանում է Ռուբեն Հայրապետյանին:

«Ինձ զարմացնում է մամուլում նման տեղեկատվության տարածումը: Մխիթարյանին տրանսֆերային իրավունքի 50%-ը պատկանում է Դոնեցկի «Շախտյորին», իսկ մյուս 50%-ը՝ ինձ: Ոչ մի լրատվամիջոց, այդ թվում՝ անգլիական և ռուսական, իրավունք չունեն խեղաթյուրել փաստերը, քանի որ դրանք կարող են հանգեցնել համապատասխան հետևանքի»,-Մկրտչյանի խոսքերը մեջբերում է Новости-Армения-ն:

Հիշեցնենք, որ «Շախտյորը» Դոնեցկի «Մետալուրգից» հայ ֆուտբոլիստի տեղափոխության համար վճարել է 7,8 մլն եվրո: