Հարսանիքն առանց Քոչարյանի և Աբրահամյանի
Հայկական Մամուլ
Հունիսի 27-ին «Փարավոն» համալիրում տեղի ունենալիք հերթական էլիտար հարսանիքին չի մասնակցի Ռոբերտ Քոչարյանը: Այդ օրը տեղի է ունենալու ԱԺ պատգամավոր Մանվել Բադեյանի դստեր և «Բարս» ընկերության տնօրեն Մարինե Չատինյանի որդու հարսանիքը: Մարինե Չատինյանը նաև Քոչարյանների խնամին է. վերջիններիս ավագ որդին էլ նրանց փեսան է՝ աղջկա ամուսինը:
«Պատճառներ ման մի եկեք, Քոչարյանն արտասահմանում է լինելու այդ օրերին, դրա համար չի մասնակցելու»,- «Հրապարակ»-ին ասել են լավատեղյակները: Ի դեպ, սեփական խնամու «օբյեկտում» կազմակերպված այդ հարսանիքին չի մասնակցելու նաև Հովիկ Աբրահամյանը: «Ինքն էլ պաշտոնական այցով Ուկրաինա է մեկնելու, իր դեպքում էլ բան ման մի եկեք»,- հորդորել է նույն աղբյուրը:
Փաստորեն, հարսանիքին մասնակցելու են «յուրայիններով»՝ Սերժ Սարգսյանը, նրան այլևս դիմավորող ու ճանապարհող Գագիկ Ծառուկյանը, կառավարության անդամները, մոտ հազար մարդ: Ի դեպ, նաև Խաչատուր Սուքիասյանն է հրավիրված:
Մանրամասները՝ «Հրապարակ»-ի այսօրվա համարում:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
