Կոնֆեդերացիայի գավաթի կիսաեզրափակիչն ու եզրափակիչը, հնարավոր է, Բրազիլիայում տեղի չունենան

ՖԻՖԱ-ի ղեկավարությունն անհրաժեշտության դեպքում Կոնֆեդերացիայի գավաթի խաղարկությունը ավարտին կհասցնի մեկ այլ երկրում՝ կապված Բրազիլիայում չդադարող բողոքի ցույցերի հետ:

Ինչպես տեղեկացնում է բրազիլական մամուլը, ՖԻՖԱ-ն մտադիր է խմբային փուլը ավարտին հասցնել Բրազիլիայում, իսկ եթե ցույցերը չդադարեն, ապա մրցաշարի կիսաեզրափակիչ և եզրափակիչ հանդիպումները տեղի կունենան այլ երկրում:

Հնարավոր երկրների ցանկում են ԱՄՆ-ն, Չինաստանն ու եվրոպական մի քանի երկիր: