Բալոտելին ուզում է «վրեժխնդիր լինել» իսպանացիներից

Բրազիլիայի ընտրանուց կրած պարտությունից հետո Իտալիայի հավաքականը Կոնֆեդերացիաների Գավաթի խաղարկության խմբային փուլում B խմբում զբաղեցրեց 2-րդ հորիզոնականը և, ամենայն հավանականությամբ, հունիսի 27-ին կիսաեզրափակչում կհանդիպի աշխարհի և Եվրոպայի չեմպիոն Իսպանիայի հավաքականին։

Այդ կապակցությամբ Իտալիայի հավաքականի եւ «Միլանի» հարձակվող Մարիո Բալոտելին ասել է, որ գրեթե մեկ տարի սպասել է Իսպանիայի հավաքականի դեմ խաղին՝ ռևանշի ակնկալիքով։ Հիշեցնենք, որ Եվրո-2012-ի եզրափակչում իսպանացիները 4-0 հաշվով ջախջախել էին Իտալիայի հավաքականին։