«Ակտոբե»-«Գանձասար» խաղում ֆավորիտը մեր ակումբն է. Ռոբերտ Արզումանյան

Հայաստանի ազգային հավաքականի և «Ակտոբեի» ֆուտբոլիստ Ռոբերտ Արզումանյանը մեկնաբանել է Եվրոպայի լիգայի վիճակահանության արդյունքները, որի շրջանակներում իր թիմն ուժերը չափելու է Կապանի «Գանձասարի» հետ:

««Ակտոբեի» համար վիճակահանությունը բավականին հաջող ստացվեց: Հայաստանի առաջնության մակարդակը, ցավոք, տարեցտարի անկում է ապրում: Լեգիոներները թիմերում քիչ են, հիմնականում խաղում են երիտասարդ ֆուտբոլիստներ: Անկեղծ ասած՝ «Գանձասարի» խաղը չեմ տեսել: Հայաստանից հեռացել եմ 7 տարի առաջ: Գիտեմ, որ անցած տարի նրա կազմում լեգեոներներ էին խաղում, իսկ այս տարի, կարծես թե, շ հայ ֆուտբոլիստներն են խաղում՝ առանց լեգիոներների: Այս զույգում ֆավորիտը «Ակտոբեն» է, և մենք միանշանակ պայքարելու ենք հաջորդ փուլ դուրս գալու համար: Մենք հիանալի թիմ և երկրպագուներ ունենք: Հայկական կողմից տեղեկություն ստանալու համար ինձ չեն դիմել: Եթե նույնիսկ դիմեին, ես ոչնչով չէի կարող օգնել: Իմ թիմը «Ակտոբեն» է, և այս թիմի հաջորդ փուլ դուրս գալն իմ շահերից է բխում: Ոչ, «Գանձասարի» գլխավոր մարզիչ Սևադա Արզումանյանն իմ բարեկամը չէ, մենք պարզապես միևնույն ազգանունն ունենք»,- Արզումանյանի խոսքերը մեջբերում է sports.kz-ը: