Ավտովթար՝ Արարատի մարզում. կա 5 վիրավոր

Այսօր՝ հունիսի 25-ին, ավտովթար է տեղի ունեցել Արարատի մարզում: Ժամը 13:00-ի սահմաններում Քաղցրաշեն գյուղի բնակիչ 26-ամյա Նորիկ Օհանյանը, վարելով «ВАЗ 2109» մակնիշի՝ 83 ՕՕ 008 համարանիշի ավտոմեքենան, Քաղցրաշեն-Ոստան ավտոճանապարհին բախվել է Այգեպատ գյուղի բնակիչ 24-ամյա Արթուր Թովմասյանի կողմից վարած «ВАЗ 21011» մակնիշի՝ առանց հաշվառման համարանիշի, ավտոմեքենային:

Ինչպես հայտնում է shamshyan.com-ը, վթարի հետևանքով երկու ավտոմեքենաների վարորդներն ու «ВАЗ 21011»-ի ուղևորներ՝ Այգեպատ գյուղի բնակիչներ 23-ամյա Վարդգես Բաբայանը, 23-ամյա Արթուր Թովմասյանը և 5-ամյա Սեյրան Թովմասյանը մարմնական վնասվածքներով տեղափոխվել են հիվանդանոց:

Փաստի առթիվ Ոստիկանության Քննչական գլխավոր վարչության Արարատի մարզի քննչական բաժնում նյութեր են նախապատրաստվում: