«Առավոտ». 100 հազար դոլար՝ Տիգրան Սարգսյանի դե՞մ

«Առավոտ»-ի ունեցած տեղեկություններով՝ վերջին մեկ ամսվա ընթացքում մոտ 100 հազար դոլար գումար է «ներդրվել» վարչապետի օֆշորային սկանդալի թեման «տաք» պահելու համար:

Խոսքը ՀՀ վարչապետ Տիգրան Սարգսյանի և Արարատյան հայրապետական թեմի առաջնորդ Նավասարդ Կճոյանի մասին է, ովքեր հայտնվեցին օֆշորային սկանդալի կիզակետում:

Ըստ «Հետքի» հրապարակման՝ վերջիններս օֆշորային գոտում գրանցված ընկերության փայատերեր են և բանկային հաշիվների են տիրապետում: Թեման արդիական պահելու համար «հայտնի շրջանակները», ըստ որոշ լուրերի, մեծ գումարներ են «ներդրել»:

Հիշեցնենք, որ մամուլում հրապարակումներ եղան, որ այդ «բացահայտումների» ետևում ԱԺ նախագահ Հովիկ Աբրահամյանն է, ում վաղեմի երազանքն է լինել ՀՀ վարչապետ:

Առավել մանրամասն՝ «Առավոտի»-ի այսօրվա համարում