Մարդկանց ուղորդում են, որ գան Կառավարության դիմաց միտինգ անեն. Տիգրան Սարգսյան
Հայաստան
Կառավարության այսօրվա նիստում վարչապետ Տիգրան Սարգսյանը խոսեց Կառավարության շենքի առջև պարբերաբար իրականացվող բողոքի ակցիաների մասին:
«Մի շատ տհաճ երևույթի հետ գործ ունենք, որը վերաբերում է նախարարությունների միջին օղակի աշխատակիցներին: Շատ հաճախ Կառավարության շենքի առջև հավաքվող մարդիկ, որոնք բողոքում են և ինչ-որ խնդիրների լուծումներ պահանջում, նրանց այստեղ հայտնվելը պայմանավորված է այն հանգամանքով, որ միջին օղակի չինովնիկները նրանց հարցերին պատասխանում են հետևյալ կերպ. «Մենք ինչ անենք, Կառավարությունը պետք է որոշում ընդունի»: Սա անթույլատրելի մոտեցում է, այսինքն՝ մարդկանց ուղորդում են, որ գան Կառավարության դեմը միտինգ անեն:
Իրենց լիազորություններին վերաբերող հարցերի վերաբերյալ գոնե պարզաբանումներ տան, մարդկանց ուղորդում են դեպի Կառավարություն: Սա անթույլատրելի է, և ես բոլոր նախարարներին այսուհետև կուղարկեմ իրենց ոլորտներին վերաբերող հարցերը, որ գալիս են ինձ են դիմում», - ասաց գործադրի ղեկավարը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
