Ի՞նչ է Ֆիլիպ Կիրկորովին ասել երգիչ Վարդան Սարգսյանը (տեսանյութ)

Ֆիլիպ Կիրկորովի  և երգիչ Վարդան Սարգսյանի լուսանկարը վերջերս հայտնվեց համացանցում: Ոմանք դա PR համարեցին, ոմանք էլ պարզապես «լայքեցին» լուսանկարը:

«Մի բան հաստատ է, ես չեմ տեղադրել լուսանկարն իրարանցում առաջացնելու կամ PR -ի համար: Կարծում եմ՝ ծիծաղելի կլիներ տեղադրել լուսանկար մի մարդու հետ, ում քո երկրում չեն սիրում: Պարզապես նրա հետ շփվելու առիթ եղավ, որի ժամանակ ես նրան նշեցի մեր քաղաքացիների վերաբերմունքը նրա մի շարք քայլերի հանդեպ: Երբ ասացի, նա պարզապես լռեց, ես այդ լռությունը համարեցի համաձայնության նշեն»,-ArmStar.am-ի հետ զրույցում պարզաբանեց Վարդանը:

Վերջինիս չի հաջողվել ներկա լինել Ֆիլիպի համերգին, քանի որ ելույթ ուներ Ժելեզնավոդսկ քաղաքում. «Կարծում եմ նրա համերգին կարելի էր ներկա լինել, որովհետև նա հրաշալի շոու ունի: Ցանկանում եմ ավելացնել, որ այդ օրը դահլիճի մոտ հավաքված հանդիսատեսին տեսնելով հասկացա, որ քառասուն տոկոսը հայ էին»: Վարդանը Ֆիլիպի մասին իր սուբյեկտիվ կարծիքն ունի. «Կարող եմ ասել, որ նրա կողմից բացարձակ գոռոզություն չզգացի: Ես առհասարակ չեմ մտածել նրա մասին, թե լավ թե վատ: Ինձ համար նա միշտ եղել է աշխատասեր և տաղանդավոր երգիչ: Նույնիսկ զրույցի ընթացքում չեմ մտածել նրան ինչ որ բան ասել, կարծես խոսակցությունը ստացվեց պահի տակ»:

Վարդանը ցավով է նշում, որ այս լուսանկարից հետո, բոլորը սկսցին խոսել, որ նա թուրքերի դրոշը բարձրացրած երգչի հետ է նկարվել. «Խնդրում եմ հիմա զանգահարեք տուրիստական ցանկացած գործակալություն և տեսեք արդյոք կարող եք գտել տոմս դեպի Անթալիա, իհարկե ոչ, բոլորն արդեն վաճառված են: Իսկ այնտեղի հյուրանոցներում միշտ հնչում են թուրքական հիթեր և ամենուր թուրքական դրոշն է: Իսկ այնտեղ հանգստացող հայերը հետո վերադառնում են և նկարների տակ սկսում են մենկաբանություններ անել, իբր իրենք հայրենասեր են»:

Զրույցի վերջում երգիչն ավելացրեց. «Ծիծաղելի է այն, որ չգիտես ինչու այդ լուսանկարից հետո բոլորը սկսեցին հիշել ինձ, նույնիսկ հեռուստաալիքներից սկեցին զանգել և հրավիրել հարցազրույցների, որոնք ես բնականաբար մերժեցի»: Վարդանի խոսքերով նրան նման PR պետք չէ և առհասարկ նա դրա կարիքը չունի, մինչդեռ ամիսներ շարունակ նա փորձում է օգնություն կազմակերպել հիվանդ երեխաների համար, տեղադրում է իր էջում նրանց լուսանկարները, սակայն ինչպես Վարդանն է ասում մեր «բարի» ու «հայրենասեր» հայրենակիցներին այդ ամենը հետաքրքիր չէ. «Իսկ հանկարծ օօօօօօօօ, Կիրկորովի հետ լուսանկար, բոլորը տեղադրեցին»,-նշեց Վարդանը: