Հայ օլիմպիական չեմպիոնն ամուսնացավ. կնքահայրը Սերժ Սարգսյանն է (ֆոտոշարք)

Երեւանի Սուրբ Սարգիս եկեղեցում այսօր տեղի է ունեցել գրոսմայստեր Գաբրիել Սարգսյանի եւ նրա ընտրյալի՝ Լիանա Ավոյանի պսակադրությունը: 

Հարսանեկան արարողությանը ներկա են ինչպես նրանց հարազատներն ու բարեկամները, այնպես էլ շախմատի օլիմպիական չեմպիոններ Լեւոն Արոնյանը, Տիգրան Պետրոսյանը, Սերգեյ Մովսիսյանը, հավաքականի մարզիչ Արշակ Պետրոսյանը: Գաբրիելի փոխանցմամբ՝ շախմատիստ-ընկերներից ներկա չէ միայն Վլադիմիր Հակոբյանը, քանի որ ընտանիքի հետ մեկնել է արտերկիր:

Զույգի կնքահայրը ՀՀ նախագահ, Հայաստանի շախմատի ֆեդերացիայի նախագահ Սերժ Սարգսյանն է: BRAVO.am-ի հետ զրույցում հարսանիքից առաջ շախմատիստը նշել է՝ իր ամենամեծ ցանկությունն է, որ հյուրերի տրամադրությունը բարձր լինի եւ ավելորդ լարվածություն չլինի.“Այնպես ենք կազմակերպել, որ ամեն ինչ բարձր մակարդակով անցնի: Իսկ հարսանեկան նվերների հետ կապված հատուկ ցանկություն չունեմ. ինձ համար այդքան էական չէ, թե ինչ կնվիրեն”:

Գաբրիելի եւ Լիանայի հարսանեկան խնջույքը տեղի կունենա “Օջախ” ռեստորանում, որին հրավիրված է մոտ 320 հոգի.“Հատուկ հարսանիքի համար արտերկրից շատ մտերիմ մարդիկ են եկել' Լեւոն Արոնյանը, Սերգեյ Մովսիսյանը: Խաչեղբայրս էլ ժամանել է Ամերիկայից”:

29-ամյա շախմատիստը կնոջից մեծ է 9-ը տարով: Լիանան սովորում է Հայկական գյուղատնտեսական ակադեմիայում, ապագա տնտեսագետ է.“Դեռ ուսանող է եւ իր ձգտումներից ու ցանկությունից է կախված, թե որտեղ կաշխատի. ես միայն կօգնեմ, որ հաջող կարիերա ունենա”,-նշել է Գաբրիելը:

Շարունակությունը կարող եք կարդալ այստեղ։

{gallery}psk{/gallery}