«Հարսնաքարում» դրվեց Վահե Ավետյանի հիշատակը հավերժացնող հուշաքար

Այս պահին «Հարսնաքար» ռեստորանային համալիրի մոտ են հավաքվել մի խումբ քաղաքացիներ։ Քիչ անց կմեկնարկի մոմավառություն՝ կազմակերպված ի հիշատակ Վահե Ավետյանի մահվան տարելիցին։

Այս պահին մոմավառությունը կազմակերպած անձինք փորձում են հուշաքար դնել հենց այն տեղում, որտեղ սպանվել է Վահե Ավետյանը։ Հուշաքարի վրա գրված է. «Այս տարածքում դրվելու է «Հարսնաքարում» սպանված հայոց բանակի սպա Վահե Ավետյանի հուշաքարը»։

Ոստիկանները հայտարարեցին, որ չեն թույլատրի հուշաքարը դնել նախատեսված վայրում։ Նրանք փորձեցին խոչընդոտել հուշաքարի տեղադրմանը, սակայն րոպեներ տևած քաշքշուկից հետո, այնուամենայնիվ, հուշաքարը տեղադրվեց։