Սյունիքը նոր մարզպետ ունի

Այսօր ՀՀԿ կենտրոնական գրասենյակում ՀՀԿ առաջնորդ Սերժ Սարգսյանը Գործադիր մարմնի նիստ էր հրավիրել:

Նիստից հետո ՀՀԿ մամլո խոսնակ Էդուարդ Շարմազանովը լրագրողների հետ հանդիպմանն ասաց, որ նիստում քննարկվել են ներկուսակցական հարցեր: 

Վերջինիս խոսքով՝ Սյունիքի նախկին մարզպետ Սուրեն Խաչատրյանի հրաժարականից հետո կուսակցությունում քննարկել են նոր մարզպետի հնարավոր թեկնածուների հարցը, և Սերժ Սարգսյանն առաջարկել է ԱԺ պատգամավոր, ՀՀԿ խորհրդի անդամ Վահե Հակոբյանի թեկնածությունը:

Շարմազանովը վստահ է, որ Վահե Հակոբյանը կարող է տանել իր ուսերին դրված ծանր բեռը: