Գագիկ Հարությունյանի երկարակեցության գաղտնիքը Սերժ Սարգսյանի հետ խնամիական կապե՞րն են

«Հրապարակ»-ը զրուցել է ՍԴ նախագահ Գագիկ Հարությունյանի հետ:

- Պարոն Հարությունյան, ոլորտն անկատար է, մինչդեռ երկար տարիներ ղեկավարում եք ոլորտը, կասե՞ք, թե որն է Ձեր երկարակեցության գաղտնիքը, Դուք կարծես երկրի եզակի անփոխարինելի պաշտոնյաներից լինեք:

- Անփոխարինելի մարդիկ ընդհանրապես չկան, կան մասնագիտություններ և ինստիտուտներ, որոնք պահանջում են առանձնահատուկ մոտեցումներ: ՍԴ նախագահների մեջ ես ռեկորդակիր չեմ, օրինակ Ադամովիչը՝ Ավստրիայի ՍԴ նախագահը, 25 տարի նախագահեց: Սա ինստիտուտի կառավարման բնույթից է գալիս, թերևս դրա նպատակը մեկն է՝ ապահովել համակարգի կայացումը և որոշակի կայուն դոկտրինալ դիրքորոշումների զարգացումը:

- Իսկ հնարավո՞ր է, որ Սերժ Սարգսյանի հետ Ձեր խնամիական կապերն են դեր խաղում:

- Դա Հայաստանի մտածողություն է, մարդկանց պրիմիտիվ դատողություններ: Մեզ մոտ, ցավոք սրտի, շատերը՝ բան ու գործը թողած… ժամանակին Խորենացին ասում էր՝ «տգիտության չարափառություն» են հաստատում երկրում: Այսինքն, դրանք կենցաղային մանր-մունր խոսակցություններ են: Սովորաբար մարդիկ լսում են այն, ինչ հասկանում են, եթե հասկանում են այդչափ, այդչափ են լսում՝ անկախ նրանից, թե ինչ ես ասում, ինչպես ես ասում: Ցավոք սրտի, հասարակությունը վերափոխման կարիք ունի, իսկ դրա համար միայն իշխանության վերափոխումը բավարար չէ:

Շարունակությունը կարդացեք «Հրապարակ»-ի այսօրվա համարում: