Վարդավառի ծիսակարգ և ջրօրհնեք՝ Էրեբունի վարչական շրջանում (ֆոտո)

Էրեբունի վարչական շրջանում Վարդավառի տոնախմբությունը ծիսական արարողությամբ և ջրօրհնեքով էր ուղեկցվում։ Վարդավառ էր Էրեբունի վարչական շրջանի մանկական զբոսայգում, բակերում։

Վաղ առավոտից երեխաները վարչական շրջանի աշխատակազմի կողմից ստացել են առատ ջուր և բազմաթիվ դույլեր. այստեղ ևս փողոցներով ու բակերով շրջում էին ջրցան մեքենաները և ջուր հասցնում տոնի մասնակիցներին։

Էրեբունի վարչական շրջանի Մանկական զբոսայգում ջրօրհնեքի արարողությունից հետո Ուրախ վարդավառը շարունակվել է համերգային ծրագրով։

Տոնախմբության մասնակիցներն ունկնդրել ու դիտել են ազգագրական և ժողովրդական երգեր ու պարեր, տիկնիկային ներկայացումներ, դհոլահարների համույթի կատարումները: Երեխաներին զվարճացնելու են եկել նաև սիրված հեքիաթների հերոսները:

Վարչական շրջանի մանկական այգում ցուցադրվել են նաև վարչական շրջանի տաղանդաշատ երեխաների ձեռագործ աշխատանքներ:

Երևանի քաղաքապետարանի տեղեկատվության և հասարակայնության հետ կապերի վարչություն