Ուղևորափոխադրող կազմակերպությունները գործադուլ կանեն

Ուղևորափոխադրող կազմակերպությունները կլուծարվեն, եթե «Հասարակական տրանսպորտը սպասարկող շուրջ 65 կազմակերպություններ միավորվել են և պատրաստվում են գործադուլ անել, եթե մոտակա մեկ ամսվա ընթացքում հարկերը չնվազեցվեն և չլուծվեն գազի թանկացման և դիզվառելիքի հետ կապված խնդիրները»,- այսօր լրագրողների հետ հանդիպման ժամանակ ասաց Հանրային խորհրդի տրանսպորտային ենթահանձնաժողովի նախագահ Տիգրան Հովհաննիսյանը՝ հավելելով, որ այս ամենը կբերի ուղևորափոխադրող կազմակերպությունների լուծարման:

Հայաստանի փոխադրող կազմակերպությունների միության համանախագահ Վարդան Փանոսյանի խոսքով, դեռեւս 2008թ. -ին հաշվարկել են և պարզել, որ երթուղայինից օգտվող մեկ ուղևորի ծախսը կազմում է 138 դրամ, իսկ այսօր այդ թիվը կրկնապատկվել է, այդուհանդերձ չեն ցանկանում, որ ուղևարձը թանկանա, և, եթե կառավարությունը, տրանսպորտի և կապի նախարարությունը իրավիճակը չշտկեն, ապա գործադուլի մասին որոշում կկայացնեն:

Ինչ վերաբերում է ոստիկանության կողմից կանգառներում իրականացվող վերահսկողությանը՝ վազանցներին, վարորդի արտաքինին, երթուղայինում հնչող երաժշտությանը, ի վերջո ուղևորի հետ վարորդի շփմանը, ապա Տիգրան Հովհաննիսյանը, ողջունելով հանդերձ այդ նախաձեռնությունը, նշեց, որ դա դեռ շուտ է: «Այսօր վարորդները աշխատում են 14-16 ժամ՝ պլան տալու համար, շատ դեպքերում նույնիսկ չկարողանալով իրենց իսկ սոցիալական խնդիրները լուծել»,- ասաց Հանրային խորհրդի տրանսպորտային ենթահանձնաժողովի նախագահը' հավելելով, որ ստեղծված քաոսային իրավիճակի «մեղավորը» տրանսպորտի և կապի նախարարությունն է:

«Փաստինֆո»