Բացառիկ հարցազրույց Մոլդովայի օմբուդսմեն Աուրելիա Գրիգորիուի հետ

Բացառիկ հարցազրույց Մոլդովայի օմբուդսմեն Աուրելիա Գրիգորիուի հետ:

Բաքվում ԱՊԱ գործակալության թղթակից Անախանում Իդոյաթովան հարցազրույց է վերցրել վերջին օրերին մեր հայաստանյան հանրության կիզակետում հայտնված մոլդավուհու հետ: Կարծում ենք՝ ընթերցողին ներկայացնելով այդ հարցազրույցը, մենք մեր սեփական մեկնաբանությունները կփոխարինենք երկխոսությունը վարողների արտահայտած մտքերով:

- Ձեր հասցեին սպառնալիքներ ստացե՞լ եք Հայաստանում գտնված ժամանակ:

- Սպառնալիքները մշտապես էին «Ֆեյսբուքի» իմ հասցեին գալիս: Այդ տեղեկություններն այժմ ակտիվորեն ջնջվում են, ես չգիտեմ, թե դա ինչպես է արվում, միգուցե հաքերները կոտրել են իմ էջը, սակայն նրանք չեն հաշվի առել մի պահ` այնտեղ կան եւ անձնական տեղեկություններ: Սակայն այն, որ ես սպառնալիքներ ստանում էի, եւ դրանք իրական էին, մնում է փաստ: Ինձ զանգում էին հյուրանոցի իմ համարը, ասում, որ մազերիցս քարշ տալով՝ դուրս կհանեն համարից, ինչից հետո հարցերս կլուծեն: Ես, իհարկե, դրա մասին տեղեկացրել եմ մեր ԱԳՆ-ին: Եղել են նաեւ սպառնալիքներ իմ ընտանիքի հասցեին: Այն պահին, երբ ես պետք է մեկնեի, վարորդը հրաժարվեց ինձ մեքենա նստեցնել, եւ բառացիորեն րոպե անց իմ «Ֆեյսբուքի» վրա տեղեկություններ են ստացվում, որ ինձ դեռ նորանոր անակնկալներ են սպասվում: Վստահ եմ, որ վարորդի` ինձ օդանավակայան հասցնել չցանկանալն ու ֆեյսբուքյան տեղեկությունները խիստ փոխկապակցված իրադարձություններ էին:

- Հայաստանյան ԶԼՄ-ներն ակտիվորեն առաջ են քաշում այն տեսակետը, թե Ձեզ կաշառել են ադրբեջանական իշխանությունները, եւ Դուք պատվեր էիք կատարում: Ինչպե՞ս կմեկնաբանեք այս տեղեկությունը:

- Ընդհանրապես, ես շատ երկրներում եմ լինում, ելույթներ եմ ունենում զեկույցներով: Ես ժամանում եմ Ադրբեջան միջազգային վեհաժողովների տարին մեկ անգամ՝ որպես մարդու իրավունքների պաշտպան, եւ դա հիմք չի տալիս ասելու, թե ինչ-որ մեկն ինձ կաշառել է: Դա Հայաստանի կողմից կեղծիք է եւ էժան փիառ-քայլ:

Առավել մանրամասն` «Հրապարակ»-ի հուլիսի 9-ի համարում: