Մարտին Միրզոյանը՝ հարսանիքի, մեղրամսի և իր գործունեության մասին (ֆոտո)

Այս ամառ, ինչպես հայտնի է դարձել BRAVO.am-ին, ամուրիների շարքը լքել է հայկական շոու-բիզնեսից Մարտին անունով եւս մեկ ներկայացուցիչ:). ամուսնացել է երաժշտական, ձայնային-հնչյունային պրոդյուսեր Մարտին Միրզոյանը: վերջինս խոսել է իր հարսանիքի, մեղրամսի և գործունեության մասին:

«Հարսանիքս եղել է հունիսի 1-ին: Մեր քավորը երգիչ Արսեն Հայրապետյանն է,-ասել է նա ու պատմել, որ այդ օրն իր կողքին են եղել բարեկամներն ու մտերիմ ընկերները:-Անուններ չեմ ուզում տալ, որովհետեւ այս պահին բոլորին թվարկել չեմ կարող եւ գուցե ինչ-որ մեկին մոռանամ նշել»:

Մարտին Միրզոյանի ընտրյալը մասնագիտությամբ հաշվապահ Ալինա Խաչատրյանն է: Նորապսակները մեղրամիսը վայելել են Ինդոնեզիայի Բալի կղզում. «Նրանց երաժշտությունը, պարերն ու սովորույթները միշտ հետաքրքրել են երկուսիս էլ»:

Իսկ ինչ վերաբերում է երաժշտական գործունեությանը, Մարտին Միրզոյանը հետեւյալն է ասել. «Ես մասնագիտությամբ գործիքավորող չեմ, երաժշտական, ձայնային-հնչյունային պրոդյուսեր եմ, ով աշխատում է, որ երգի բառերն ու հնչյունները համահունչ լինեն երաժշտությանը: Դա ավելին է, քան գործիքավորումը: Աշխատել ու աշխատում եմ հայկական շոու-բիզնեսի բազմաթիվ ներկայացուցիչների հետ, դարձյալ անուններ չեմ ուզում տալ: Շատ գործեր կան, որոնք մինչեւ տարեվերջ կավարտեմ»:

Մանրամասն՝ այստեղ: