Ովքե՞ր էին հրավիրված Սուպեր Սաքոյի դստեր կնունքին (լուսանկարներ)

Հունիսի 18 ԱՄՆ-ում բնակվող Սուպեր Սաքոն մկրտել է իր դստերը՝ Giana-ին, իսկ օրեր առաջ ռեփերը Հայաստան էր եկել՝ ներկա լինելու երգիչներ Մարտին Մկրտչյանի և Հռիփսիմե Հակոբյանի հարսանյաց արարողությանը: Չնայած նրա կարճատև այցելությանը՝ ArmStar.am-ին հաջողվեց հանդիպել նրա հետ և զրուցել դստեր մկրտության արարողության, դրան հետևող միջոցառման, ներկա հյուրերի և կնոջը մատուցած անակնկալի մասին:

Սուպեր Սաքոն մեզ պատմեց, որ երեխայի կնունքին պատրաստվել է ամենայն լրջությամբ: Թեև երեք շաբաթ ժամանակ է ունեցել, բայց հասցրել է ամեն ինչ շատ գեղեցիկ և օրիգինալ կազմակերպել: Ռեփերի դուստրը երկու տարեկան է, նա նշեց, որ մկրտության արարողությունն ուշացրել է այն պատճառով, քանի որ շատ է ցանկացել, որ ներկա լինի իր մտերիմ ընկեր, երգիչ Արման Հովհաննիսյանը: Իսկ Giana-ի կնունքի քավորը Սաքոյի և նրա կնոջ՝ Օժենի մտերիմ ընկերն է:

Այս հոգևոր արարողությանն ու գեղեցիկ երեկույթին ներկա է եղել 325 հյուր, այդ թվում երգիչներ Արման Հովհաննիսյանը, Ջոնի Կարապետյանը, Արա Մարտիրոսյանը, դհոլահար Էֆոն և այլք: Փոքրիկն իրեն շատ լավ է զգացել, մինչ ուշ գիշեր երգել է, պարել և ուրախացրել բոլորին: Մեր այն հարցին, թե ինչու դստեր լուսանկարները երբեք մամուլում և սոցցանցերում չեն հրապարակվում, ռեփերը պատասխանեց, որ նա և Օժենը մինչ երեխայի ծնունդը որոշել են, որ իրենց փոքրիկին հեռու են պահելու շոու բիզնեսից: Մեր հանդիպման ընթացքում մենք երեխայի լուս

անկարները տեսնելու հնարավորություն ունեցանք և պետք է նշենք, որ աղջնակը շատ գեղեցիկ աչքերով հրաշամանուկ է:

Սուպեր Սաքոյի հետ զրույցի ընթացքում պարզեցինք նաև, որ ռեփերը շատ ռոմանտիկ ամուսին է: Գաղտնիք չէ, որ նշանադրվելուց հետո Սաքոն և Օժենը բաժանվել են ու կրկին հինգ տարի անց միացել և ամուսնացել: Մեր զրուցակիցը պատմեց, որ կնունքի երեկոյի ընթացքում, կորցրած հինգ տարիների համար, կնոջը գեղեցիկ անակնկալ է մատուցել՝ նրան նվիրելով հինգ կարատ կշռող քարով ադամանդե մատանի: