Ընդդիմադիրներից ո՞վ է պատրաստ պայքարելու

Այսօր պաշտոնապես կառավարության նիստում Վահե Հակոբյանը կնշանակվի Սյունիքի մարզպետ: Այս կադրային փոփոխությունը, իհարկե, մարզում մի նոր լարվածություն է ստեղծելու: Թիվ 38 ընտրատարածքում, որտեղից Վահեն երեք անգամ «ընտրվել» է պատգամավոր, նոր ընտրություն պետք է նշանակվի, եւ բնական է, որ նոր մարզպետը փորձելու է իր ուզած մարդուն մտցնել խորհրդարան: Դա նշանակում է, որ ընդդիմադիրներին այս տեղ թեժ պայքար է սպասվում պատգամավորի մանդատի համար:

Իսկ ընդդիմադիրներից ո՞վ է պատրաստ պայքարելու: Արմատական ընդդիմություն համարվող Հայ ազգային կոնգրես կուսակցությունը, որը 2012-ի մայիսին հուժկու պայքարի էր լծվել եւ այստեղ առաջադրել Դավիթ Մաթեւոսյանի թեկնածությունը, դեռ հարցը չի քննարկել: «Ժառանգության» փոխնախագահ Արմեն Մարտիրոսյանը մեզ հետ զրույցում ասաց. «Նախագահական ընտրություններին Կապանում իշխանությունների համար անսպասելի արդյունքներ գրանցվեցին, որ Րաֆֆի Հովհաննիսյանը պաշտոնապես հաղթեց, դա եւս վստահություն է ներշնչում «Ժառանգությանը», որ քննարկումներում նաեւ այդ ընտրատարածքի արդյունքները նկատի ունենա վերջնական որոշում կայացնելիս»:

Առավել մանրամասն՝ «Հրապարակ»-ի հուլիսի 10-ի համարում: