Ռուսաստանի կողմից ճնշում կա՞ Հայաստանի վրա, թե՞ ոչ. Ֆյուլեն չմեկնաբանեց

«Չեմ կարող մեկնաբանել այն, թե արդյոք Ռուսաստանի կողմից ճնշում կա՞ Հայաստանի վրա, թե՞ ոչ, դուք ինձ ասեք»,- երեկ Երևանում Հայաստանի հասարակական կազմակերպությունների ներկայացուցիչների և լրագրողների հետ հանդիպման ժամանակ հայտարարել է Եվրոպական միության ընդլայնման և հարևանության քաղաքականության հարցերով հանձնակատար Շտեֆան Ֆյուլեն՝ ի պատասխան հարցին, թե ինչպես է վերաբերվում Ռուսաստանի կողմից Հայաստանի նկատմամբ գազի գնի բարձրացման, Ադրբեջանին զենքի մատակարարման տեսքով դրսևորվող ճնշումներին, որոնք շատերի գնահատմամբ՝ նպատակ ունեն կանխել ՀՀ-ի կողմից Ասոցիացման համաձայնագրի նախաստորագրումը:

«Ես հետևում եմ լրատվությանը, տեղյակ եմ գազի գներից, սպառազինության մատակարարումից, տեղյակ եմ նաև մի շարք այլ հարցերից, բայց... մեր գործընկերների հետ մեր հարաբերություններում ճնշում հասկացությունը տեղ չունի»,- ասել Է Ֆյուլեն հավաստիացնելով, որ Եվրամիությունն իր քաղաքականությունը կառուցում է այնպես, որպեսզի հարաբերությունները բոլորի համար հանգեցնեն «հաղթական արդյունքի»:

«Եթե հարցը դրվի ուղիղ կերպով, այսինքն՝ արդյո՞ք Ասոցիացման համաձայնագիրը սահմանափակելու է Հայաստանի հնարավորությունները և պոտենցիալը՝ շարունակել իր հարաբերություններն իր ուղղակի և անուղղակի հարևանների հետ, պատասխանը հստակ է՝ ո՛չ: Հակառակը՝ սա կուժեղացնի:

Մանրամասները՝ «168 Ժամ»-ի այսօրվա համարում: