Լիբերտադորեսի գավաթ. «Ատլետիկո Մինեյրոն» եզրափակչում է (տեսանյութ)

Ավարտվեց Լիբերտադորեսի գավաթի խաղարկության կիսաեզրափակիչ փուլը։ Եզրափակչի երկրորդ մասնակիցը դարձավ բրազիլական «Ատլետիկո Մինեյրոն», ով հետխաղյա 11 մետրանոց հարվածներով 3:2 հաշվով պարտության մատնեց «Նյուելս Օլդ Բոյսին»:

Նշենք, որ թիմերի միջև հիմնական ժամանակն ավարտվել էր 2:0 հաշվով՝ բրազիլական թիմի հաղթանակով: Նույն արդյունքն էր գրանցվել նաև առաջին խաղում. այս անգամ հաղթել էր արգենտինական ակումբը, ինչի արդյունքում եզրափակչի մասնակիցը որոշվեց հետխաղյա 11 մետրանոց հարվածներով:

«Ատլետիկո Մինեյրոնի» և Պարագվայի «Օլիմպիայի» միջև եզրափակիչը տեղի կունենա հուլիսի 17-ին: