Ռոնալդուն՝ Եվրոպայի ամենաարժեքավոր ֆուտբոլիստ

«Արքայական ակումբի» և Պորտուգալիայի ազգային հավաքականի ֆուտբոլիստ Կրիշտիանու Ռոնալդուն Marca-ի վարկածով ճանաչվել է 2012/13 թթ.-ի եվրոպական առաջնությունների ամենաարժեքավոր ֆուտբոլիստ:

Ցանկում ընդգրկված են եղել 10 ֆուտբոլիստ: Ձայների 54%-ի (12 544 ձայն) շնորհիվ պորտուգալացին ճանաչվել է լավագույնը: Ռոնալդուն ճանաչվեց նաև արտերկրում հադես եկող պորտուգալացի լավագույն ֆուտբոլիստ:

Հիշեցնենք, որ 12 գոլով Ռոնալդուն դարձավ չեմպիոնների լիգայի լավագույն ռմբարկու: Երկրորդ տեղում Լիոնել Մեսսին է: Արգենտինացու օգտին քվեարկել է ընթերցողների 23%-ը (5235 ձայն): 32 խաղում հեղինակելով 46 գնդակ՝ Մեսսին դարձել է Իսպանիայի առաջնության լավագույն ռմբարկուն:

Եռյակը եզրափակում է Դորտմունդի «Բորուսիայի» ֆուտբոլիստ Ռոբերտ Լևանդովսկին, ում օգտին քվեարակել են 10%-ը (2266 ձայն): Լեհաստանի ազգային հավաքականի ֆուտբոլիստը դարձավ չեմպիոնների լիգայի 10-րդ խաղացողը, ով մեկ խաղում պոկեր է ձևակերպել:

Նշենք, որ տասնյակում տեղ են գտել Ռոբենը, Ռիբերին, Մյուլերը, Շվայնշտայգերը, Գարեթ Բեյլը, Իբրահիմովիչը և Ռոբին վան Պերսին: