«Արսենալը» բարձրացրեց Սուարեսի տրանսֆերի համար առաջարկվող գումարի չափը

Լոնդոնի «Արսենալը» մտադիր է նոր առաջարկ անել «Լիվերպուլին» Լուիս Սուարեսի տրանսֆերի վերաբերյալ. տեղեկացնում է The Telegraph-ը:

Հիշեցնենք, որ մերսիսայդցիները հրաժարվեցին 26-ամյա ֆուտբոլիստի տրանսֆերը վաճառել 30 մլն ֆունտով:

Լոնդոնցիները մտադիր են մեծացնել առաջարկվող գումարի չափը, որը  կկազմի 40 մլն ֆունտ:

Նման որոշումը պայմանավորված է նրանով, որ ակումբը չկարողացավ «Ռեալի» հետ համաձայնության գալ Գոնսալո Իգուաինի տրանսֆերի վերաբերյալ:

Ավելի վաղ տեղեկացվում էր, որ Սուարեսը մտադիր է ուսումնասիրել լոնդոնցիների առաջարկը: