Աննա Սեդոկովան պատասխանել է իր հետ գիշերել ցանկացողներին

ՎԻԱ Գրա խմբի նախկին մեներգչուհի, 30-ամյա Աննա Սեդոկովան պատասխանել է այն տղամարդկանց, ովքեր որոշել էին իր հետ գիշերելու իրավունք գնել. գրում է «Сегодня» պարբերականը:

Հիշեցնենք, որ օրեր առաջ Starlife.ru–ն գրել էր, որ 30-ամյա երգչուհին Twitter-ի իր էջում կատարել էր հետևյալ գրառումը. «Ասում ես՝ ես պոռնի՞կ եմ: Ուրեմն փորձիր գնել ինձ»: Հայտնի չէ, թե ում է ուղղված այս արտահայտությունը, բայց այն մեծ արձագանք ստացավ: Գրառումով հետաքրքրվեց նաև հայտնի կավատ Պետյա Լիստերմանը, ով հայտնի է օլիգարխներին գեղեցիկ աղջիկների հետ «ծանոթացնելու» գործունեությամբ: Նա երգչուհու առաջարկը գնահատել է 100 հազար դոլար: Ռուսաստանի գլխավոր կավատի խոսքով՝ Աննան մեծ պահանջարկ ունի, և նրա համար կարելի է լավ «թեյավճար» ստանալ:

Երգչուհին որոշել է իրեն վիրավորողներին պատասխանել՝ կրկին գրառում կատարելով Twitter-ում. «Աղջկա վրա ցեխ շպրտելը շատ պատվաբեր է՝ հատկապես հաշվի առնելով իմ լավ վերաբերմունքը: Բայց ես քեզանից չեմ նեղանում, չէ՞ որ փոքրիկներից չեն նեղանում))): Պարզապես ասում եմ՝ Կոլյա՛, կմեծանաս, կխոսենք:

Մարդիկ PR-ի համար պատրաստ են դիմել ամեն քայլի: Ցավում եմ… Չնայած ինձ էլ հաճախ մեղադրում են PR-ի համար: Սակայն տարբերությունն այն է, որ ես ինձ չեմ գովազդում, ես այդպես ԱՊՐՈՒՄ եմ: Վառ և անմոռանալի: Ելույթս ավարտելով՝ ցանկանում եմ մի քանի բան հավելել իմ մասին. ես պրոֆեսիոնալ բռնցքամարտով եմ զբաղվում և իմ հսկայական գերմանական շունը կգտնի յուրաքանչյուրին, ով ինձ վիրավորում է, և կպոկի ձեր …-ը, որքան էլ դրանք փոքր լինեն»,- գրել է երգչուհին: