ՀՀՇ-ն ցրեցին՝ ՀԱԿ ստեղծեցին, իրենք հասկացա՞ն՝ ինչ արեցին. Սասուն Միքայելյան
Հայկական Մամուլ
«Եթե նորմալ ընդդիմություն էին, թող նախագահական ընտրություններին մասնակցեին։ «Գնա մեռի, արի սիրեմ» սկզբունքո՞վ են առաջնորդվում»,– Կոնգրեսի կուսակցության այսօրվա որդեգրած քաղաքականությանն անդրադառնալով՝ «168 ժամ»-ի հետ զրույցում ասել է ՀԱԿ դաշինքի նախկին անդամ, ազատամարտիկ Սասուն Միքայելյանը։ «Ես ՀԱԿ անդամ չեմ եղել, բայց համաժողովրդական շարժմամբ մենք երկրում փոփոխություններ ենք իրականացրել։ Իսկ այսօրվա որդեգրած ռազմավարությունը շատ սխալ է՝ դրա համար էլ էս օրին հասանք, երկրի վիճակը վատացավ, մարդիկ էլ չեն հավատում, որ ընդդիմություն կա,– ավելացրել է նա:
Խոսելով ՀԱԿ-ի սխալների մասին՝ Սասուն Միքայելյանը նշել է,– «ՀԱԿ-ի կազմում չկա՞ր որևէ մեկը, որ առաջ քաշեին՝ մասնակցեին, ոչինչ, թե հետո չէին պարտվի։ Հիմա կայուն ընդդիմություն կլիներ հանրապետությունում։ Բայց սրա փոխարեն՝ գնացին ՀՀՇ-ն ցրեցին՝ ՀԱԿ ստեղծեցին, իբր... չեմ էլ հասկանում՝ ի՞նչ արեցին, ոչ էլ հասկանում եմ՝ իրենք հասկացա՞ն՝ ինչ արեցին։ Ինչ անում են, իրենց ձեռքով են անում։ Այսքան տանջանք, տառապանք, բայց մի քանի հոգի իրենց գիտունի տեղ դրեցին, ժողովրդին փաստի առաջ կանգնեցրին։ Նման դեպքերում ժողովրդի հավատը մեռնում է, հավատացեք»։
Մանրամասները՝ «168 ժամ»-ի այսօրվա համարում։
ՈՒՂԻՂ ԵԹԵՐ
Ամենադիտված 
«Ես կպատմեմ, թե ինչպես է եղել». Միլենա Պետրոսյանը 2 շաբաթ անց խախտել է լռությունը
