Հուլիսի 13-ին մահացել է Նար-Դոսը (տեսանյութ)

Նար-Դոսը (Միքայել Հովհաննիսյանը) ծնվել է 1867 թվականին Թիֆլիսում, բրդավաճառի ընտանիքում: Սկզբնական կրթությունն ստացել է Սուրբ Կարապետ եկեղեցու ծխական դպրոցում։ Ուսումը շարունակել է քաղաքային Նիկոլաևյան երկդասյան դպրոցում։ Այնուհետև ընդունվել է Քութայիս նահանգի Խոնի ուսուցչական սեմինարիան: Ուսման վարձը վճարել չկարողանալու պատճառով կիսատ է թողնում Քութաիսիի ուսուցչական սեմինարիան։ Անյուհետև մի տարի սովորում է Թիֆլիսի արհեստագործական դպրոցում: Այստեղ' փականագործի արհեստագործական դպրոցում, մտերմանում է ապագա բանաստեղծ Ալեքսանդր Ծատուրյանի հետ:

Նար-Դոսը երկար տարիներ քարտուղարի և սրբագրիչի պաշտոնով աշխատել է «Նոր դար», «Աղբյուր—Տարազ», «Սուրհանդակ» պարբերականներում, որոնք խլել են նրա ժամանակի մեծ մասը։ Հոգնատանջ աշխատանքից հետո միայն գիշերային ժամերին է նա կարողացել ստեղծագործել։ Նար-Դոսը գրել սկսել է դեռևս արհեստագործական դպրոցում սովորելու տարիներին։ 1866 թվականփն տպագրում է «Ճըշմարիտ բարեկամ» պատմվածքը և «Նունե» վիպակը, այնուհետև՝ «Քնքուշ լարեր» վեպը և «Աննա Սարոյան» վիպակը, որոնք պատկերում են հեղինակի ստեղծագործական ինքնատիպ աշխարհը։ Այս հատկանիշներն ավելի են խորանում «Մեր թաղը», «Սպանված աղավնի», «Տանտիրոջս աղջիկը», «Նեղ օրերից մեկը», «Պայքար» և «Մահը» գործերում: