Ինչպե՞ս ճիշտ խնամել ատամները

Ժպտերես մարդիկ համակրանք և վստահություն են ներշնչում, բացի դա ժպիտը համարվում է նաև առողջության և ինքնավստահության գրավականը: Բայց հաճախ մարդիկ չեն ժպտում ատամների դեղին բծերն ու արյունահոսող լնդերը թաքցնելու համար: Սեփական ժպիտից չամաչելու համար էլ այս էջը սկսում ենք ատամների ճիշտ խնամքի մասին նյութով:

Թվում է‘ ամեն ինչ հեշտ է, ատամ լվանալու մեջ ոչ մի բարդ բան չկա, բայց մասնագետները վստահեցնում են‘ ատամների լվանալու մեխանիզմը շատ կարևոր է: Պետք է ուշադիր լինել նաև ատամնախոզանակի ընտրության հարցում: Այն պետք է լինի միջին փափկության: Ատամները լվանալիս պետք է այն պահել 45 աստիճան անկյան տակ, որպեսզի այն ընդգրկի և լնդեզրը, և ատամները: Պետք է կատարել 5-6 շարժում‘ վերև և ներքև: Եվ այս ամենը ամեն օր‘ առավոտյան և երեկոյան երեք րոպեից ոչ քիչ: Չմոռանաք մաքրել նաև լեզուն: Կան շատ հատվածներ, որոնք ատամնախոզանակի համար անհասանելի են, այդ պատճառով մասնագետները խորհուրդ են տալիս‘ չվախենալ ատամնաբույժի աթոռից և տարին գոնե երկու անգամ այցելել նրանց, քանի որ անհատական հիգիենայից բացի ատամներին պետք են նաև մասնագիտական բուժզննում: Գրում է normitq.am-ը և հավելում, որ առողջ և սպիտակ ատամներ ունենալու համար օգտակար են նաև խնձորն ու գազարը: Դրանք մաքրում են ատամները նստվածքից և սննդի մնացորդից: Այս խորհուրդներին հետևելու դեպքում վստա եղեք, որ Ձեր ատամները կծառայեն երկար, կլինեն սպիտակ և փայլուն: