Կազան 2013. երեք հայ մարզիկ դուրս մնաց պայքարից

Կազանում ընթացող համաշխարհային Ունիվերսիադայում Հայաստանի ներկայացուցիչներ Արամ Ջուլֆալակյանը, Վաչիկ Եղիազարյանն ու Հարություն Հովհաննիսյանը դուրս մնացին պայքարից:

Հունահռոմեական ըմբշամարտի քառորդ եզրափակչում Եղիազարյանը 1:4 հաշվով զիջեց Ռուսաստանի ներկայացուցիչ Անդրուսիկին:

Ջուլֆալակյանը 1/16 եզրափակչում 1։3 հաշվով պարտվեց Հարավային Կորեայի ներկայացուցիչին:

Հարություն Հովհաննիսյանը 1/16 եզրափակչում 0։4 հաշվով պարտվեց Մաքս Նովրիին. տեղեկացնում է մրցաշարի պաշտոնական կայքը: